名古屋 ♪ 飛驒高山 ♪ Day Three ♪ 26 Jan 2009

名古屋 ♪ 豐田 ♪ 高山 ♪ Alpina Hotel Takayama

今日係去豐田車廠參觀既日子,一早起身,去便利店買了早餐,我地走開車去豐田市

好多野食 ~~~



好味的玉子蛋



經過差不多45分鐘的車程,就到達左豐田市嘞



在豐田車廠的展覽館內,有好多新車,包括IQ同埋新既RX系列...亦都有既念車 i-unit 既示範同埋機械人吹喇叭既表演..





參觀完展覽館,就乘車去汽車工場,不過參觀工場的時候,生產線停頓左半小事..'O'...乜都無得睇... >.< 回去展覽館後,我地又去了紀念品店買了紀念品...有筆...車仔...同postcard

離開豐田車廠後,又係午飯時間啦...我地去左松屋食午餐

松屋係一間自助形式的食店...級數等同香港的大家樂..美心快餐
影了店內唯一的一張相..就是部售票機



一攞起相機再想影多幾張...就已經聞到"鑼"味....皆因在松屋影相...就等如自由行在大家樂的餐牌前樹起姆指影相一樣...唯有放棄啦.....我地食左咖哩飯...之後就向高山進發嘞

上到中央自動車道無幾耐...就見到休息站...我地就去小息一陣...呵呵....休息站仲有喺香港消聲匿跡左既Wendy's!



肚裡的蟲又叫餓啦....結果....





我就頂唔順咁重量級既食物..只買了果汁同蟹棒...

食飽飽...又要趕路嘞...由中央自動車道...從豐田到高山...大約要3個半小時....

去到高山已經差不多天黑啦...到Alpina Hotel check in 後...我地就出去搵野食...搵黎搵去...間間食店都無開門既...好似唔使做咁...差不多搵了一個小時...又累又餓之下...我地入了一間好有地道風味既食店....一入到去....

好似睇緊鬼太郎咁...

想出番去又不好意思....

點好? 座低啦!!!

食店裡面得一張長枱加幾張細枱...細枱已經坐滿晒老闆既朋友...鄰居..etc...在無得選擇之下...我地坐了在長枱既一角....坐好之後我地就是但點了燒餅....牛肉鍋....章魚丸子....D野食好細碟呀...味道OK啦...不過食到一半又有一埋老闆既朋友入左黎同我地坐埋一枱....其中一個好似科學怪人咁...不停用99%日文+1%英文問我地有關香港既野....唔明你up乜呀...我地又用99%英文+1%日文應番佢......煩到我地要用9秒9吞晒D野食同倒埋杯啤酒落肚....即閃!

仲好餓呀...!!! 又凍....之後我地就不服氣地開車四處亂兜.....兜黎兜去....週圍既食店都已經關門大吉啦....最後終於俾我地搵到一間叫"備長扇屋"既居酒屋...

雖然語言不通....不過menu有小量圖片....又一輪指手劃腳後....終於叫左壽司...炸薯餅....大根沙律...串燒等等既食物...

實在太餓啦....完全唔得閒影相....食飽飽就番酒店覺覺豬啦 ^@^